ALBADA AL NACIMIENTO

Media noche era por filos,
las doce daba el reloch,
quando ha nagido en Belén
un mozardet como un sol.

Nació de una hermosa Niña,
virgen adú que parió,
y diz que dexó lo cielo
por este mundo traidor.

Buena gana na tenido
pues no len agradejón
aquellas por qui lo fizo
y bien craro lo beyó

En fin, nació en un pesebre,
como Llucas lo dizió,
no se enulle si le dizen
que en as pallas lo trobón.

Dízenlo Pasqual y Bato,
Bras y Chil y Mingarrón
y lo mayoral Turibio
que ellos primero lo vión.

Llevaronle os pastores
de crabito y naterón
dos mil milenta d'aquellas
de que o Niño se folgó.

Entre un buey y entre una azembla
con muyto goyo nació;
aunque de ver tal socesso
diz que Ababuc se espantó.

O santo viello Chusepe
contento estaba, por Dios,
adú que antes estió triste,
porque no trobó mesón.

Listos andan os ancheles,
del cielo al suelo bajón
cantando: «Gloria en os cielos
y paz en la tierra a toz».

Toz la claman buena noche,
diralo la colación
y lo tizón de Nadal
que ye nombrado tizón.

Diranlo los villancicos
y diranlo los cantors,
direlo yo que m'enfuelgo
de repiquetiar a voz.

A su madre y a Chusepe,
pus lo merecen os dos,
darezle a norabuena
deste fillo que tenión.

Todos el pie le besemos,
que es nuestro Dios y Señor,
pidiendo faga pesebre
del cristiano corazón.