CHAMA DE AMOR VIVA

Oh chama de amor viva
que tenramente feres
da miña alma no máis profundo centro!
Pois xa non es esquiva
acaba xa se queres,
rompe a tea deste doce encontro!

Oh cauterio suave!
Oh regalada chaga!
Oh man branda! Oh toque delicado
que a vida eterna sabe
e toda débeda paga;
matando, morte en vida tes trocado!

Oh lámpadas de fogo
en cuxos resplandores
as profundas cavernas do sentido,
que estaba escuro e cego,
con estraños primores
calor e luz dan xunto ao seu querido!

Que manso e amoroso
acordas no meu seo
onde só secretamente moras,
e no teu aspirar gustoso
de ben e gloria cheo,
que delicadamente me namoras!